" Jakob Sande frå Sunnfjord til Rio og attende"

Ørsta Mannskor presenterer Jakob Sande i ord, tonar og bilete!

Bondeguten Jakob Sande var frå Dale i Sunnfjord, fødd i 1906, og utmerka seg tidleg som eit «flogvit» med mange talent. Bakgrunnen hans i eit miljø med store sosiale skilnader og kontrastar, vart ein innhaldsrik basis for hans dikting og litterære liv. Dei radikale miljøa i lokalsamfunnet, oppveksten i ein kulturglad open heim, forteljartradisjonane, som både var i familien og hos fastboande taterar, laga eit rikt tilfang av idéar til den observerande Jakob’en. Naturen og naturbileta i skildringane hans vert ofte brukt som metafor for kva som skjer gjennom mennesket si livsreise.

Diktinga spinn rundt flere tema, som vestlandsnaturen, sjømannslivet og livet på bygda. Likeeins dikt som tek opp sosiale spørsmål og klassiske tema, som kjærleiken og døden. Dikta veksler frå grotesk humor, som i «Kallen og katten» og «Likfunn», til sentimentale og kjensleladde dikt som «Fløytelåt» og «Vesle Daniel». Døme på dette kan du oppleve i forestillinga vår.

Korsong med tonesette dikt av Jakob Sande
Deklamasjon: Harald Aambø, akkompagnert av Arne Otto Myklebust på trekkspel.
Solist innslag: Øyvind Granden Berg, Arne Jan Vollsund, Kyrre Grimstad og Børre Lødemel.
Musikalsk leiing og direksjon: Øyvind Granden Berg

Alt dette under lun og humoristisk leiing av Kyrre Grimstad.
Ver hjartans velkomen!
Nyt ord, tonar og bilete.