Volda Mannskor

Om koret

Volda Mannskor – ein triveleg stad å vere for deg som likar å synge!

I over hundre år har koret vore ein viktig kulturberar med mykje av den lokale songskatten på repertoaret, men vi prøver oss også på viser og evergreens. Vi opptrer på institusjonar, kyrkjer og ulike tilstellingar. Dagens kor tel om lag 35 godt vaksne karar. Ingrid Vik Henriksen er dirigent for koret.

Med jamne mellomrom reiser vi til det store utland, vi kan nemne USA 1996, Praha/Budapest 1999 og Latvia 2004, Irland i 2008, Italia 2012 og Skottland i 2024.

I samband med 100-års jubileet i 2021 hadde vi ei storstilt markering; avduking av minnestein over koret sin første og lengst verkande dirigent Peter Eiken, jubileumsbok, jubileumskonsert i Volda kyrkje og festkveld med gjestar på Rekkedal.

Kameratskap og samhald pregar koret . Har du lyst til å synge saman med oss og delta i fellesskapet, er du hjarteleg velkomen. Hausten 2026 startar vi øvingane den 24. august.