Songlaget I Bul Oslo

Om koret

Songlaget i BUL i Oslo vart stifta i 1914. Koret er i dag eit godt og særs levande blandakor med over 50 medlemar. Koret er eit av dei eldste særlaga i Bondeungdomslaget.

Koret er kjent for sitt gode sosiale miljø med songglade kvinner og menn. Ei spennande samling av folk med alle slags bakgrunnar og opphavsstader. Vi møtest til song kvar torsdag frå kl. 19.00 – 21.30 i Teatersalen i Nynorskens hus, i Rosenkrantz’ gate 8 i Oslo.

Ei av dei viktigaste målsetjingane våre er å ta vare på norske song- og musikktradisjonar, og repertoaret legg vekt på både norske og utanlandske folketonar og klassiske verk.

Dirigent: Knut Kristian Mohn.