Lindås Songlag

Om koret

Lindås Songlag er eit blandakor med lang tradisjon i Lindåsbygda, i Alver kommune. Koret vart skipa i 1939. Koret tel i dag 27 medlemmer, aldersspennet er frå 23 til 80 år. Repertoaret spenner over ulike sjangrar, frå klassisk musikk, kyrkjemusikk, norske folketonar og folketonar frå andre land - til viser, negro spirituals, pop og musikalmusikk. Koret arrangerer "Quiz og allsang"-kvelder, julekonsert og andre konsertar i heimbygda Lindås, men har også turar til andre bygder og andre land, seinast hausten 2024, då koret var i Riga. Me er også innom aldersheimen i bygda, og syng saman med bebuarane der. Me øver på Lindås Barneskule, kvar onsdag frå 19.00 - 21.30. Vi ønskjer nye medlemer velkommen, og dersom dette er noko DU kunne tenke deg, er det berre å møta opp på ei øving, ta kontakt med nokon i koret, eller send oss ei melding på Facebook!