Ål Koret

Om koret

Ål - koret er eit blandakor med ca. 40 medlemmer frå heile Hallingdal. Koret starta i 1989 og feira 30-årsjubileum i mai 2019 med tur til Berlin, der me hadde konsert med norsk musikk i Die Trinitatiskirche og musikalske innslag på gudsteneste i Den norske sjømannskyrkja. Dirigent for koret er Arild Rønsen, som er ein habil tenor og i blant er solist med koret. Repertoaret er i hovudsak klassisk, både sakral og profan musikk. Me øver kvar tysdag i Ål kulturhus og har helgeseminar i september og januar. Gjennom året har koret ca. fire konsertar, to kvart semester. To av desse er faste arrangement, julekonsert i Ål kyrkje, ofte med innleigde solistar og musikarar, og koret er fast med på opningskonserten til Den norske folkemusikkveka i mai. Hovudarenaen for koret er Ål kyrkje, som har eit fantastisk orgel og der ein har eit godt samarbeid med kantor Audun Flaen, men koret legg og konsertar til andre stader t.d. Ål kulturhus, grendahus og andre kyrkjer i Hallingdal. Koret skal og vere ein sosial møteplass for koristane med kaffipause på øvingane og festlege avslutning til jul og sommarferie.