Sangens kraft - korsangerkurs med Jon Flydal Blichfeldt

Gjennom alle tider har songen løfta oss. Den har støtta oss i vanskelege stunder. Songen er der i bryllup og under fotballkampar. No veit me at hjarta slår i takt når korsongarar syng saman.

Jakta på denne krafta, denne felles kjensla, dette eine som songen kan by på står i sentrum for korsongarkurset 2026. Repertoaret er variert, frå folketoner du lærer på øyret til klassiske perler og popmusikk.

Det vert stilt krav til kvar enkelt songar om å stilla godt førebudd, og når me treffast by på seg sjølv i møtet med songarar frå heile landet. Her blir det lått og løye i god blanding med seriøst klangarbeid der me jaktar å løfta taket på avslutningskonserten.

Jon Flydal Blichfeldt er fast dirigent for tre kor: Osterøykoret, Bergen Mannskor og Ole Bull Kammerkor. Han er aktiv som instruktør for korsongarar og dirigentar. Han er utdanna cellist og kordirigent og har brei erfaring med korsong av alskens slag. Meir om Jon finn du på www.musikant.no.