Frå
Kor Som Helst
til
Tysnes Kammerkor
|
Koret byggjer på ein lang og omfattande kor-tradisjon i bygdene i Tysnes. Denne går meir enn hundre år tilbake i tid.
Fram til omlag 60 år sidan var det fleire kor i kvart sokn (blanda-, manns- og damekor). Etter krigen har det gradvis gått nedover både med folketal og også med aktive korsongarar i Tysnesbygdene.
Med tilbakegongen vart det umogeleg å halda oppe desse mange småkora. Det vart fyrst samling kring nokre få bygdakor, og fleire av våre songarar var med i desse . Men rundt 1990 vart det naudsynt å ta heilt nye grep.
På 90-talet oppstod difor dette fyrste felleskoret for heile Tysnes; og namnet vart høveleg nok Kor Som Helst. Øvingane flytter rundt mellom fire stader i kommunen (Lunde, Onarheim, Uggdal, Våge) - eitt år på kvar stad.
Kor Som Helst vart stifta 18. august 1993.
Våren 2005 vedtok koret at det frå hausten 2005 skulle endra namnet til Tysnes Kammerkor.
|
